Linamada #5

Kay Man Katuluyo

by: Wirdangkeso

Kay ako ginatuyo,

Tanan akon ginadamgo

Ngaa si Ser wala kabalo

Nga ako ginatuyo, laway ko gatulo

Ngaa ako ginatuyo?

Kanami sang topico, ako gadamgo.

Ti kay si Ser wala labot

Nga katuyo sa akon gaabot.

Ngaa sa lektyur ako ginatuyo,

Tapos si Ser, daw mapatay nah u

Wakal di, Wakal to

Ang ubra ya balik balik, sakit sa ulo.

Kabudlay man kun eksperto imo maestro

Waay untat wakal, hay katuluyo.

Yawan kna lagas, ay ambot daw piho.

Baw Ser, maluoy ka, galingin na akon ulo.

Advertisements

Linamada #4

KONVERSEY ‘BOUT SA ILA CRUSH

By: WIRDANGKESO

Sin-o?

Gapangalo

Maputi. Mabuot.

Yellow iya kalo.

Kis a pula man.

Matinlo.

Mataas.

Simple.

Maniwang.

Taga diin?

Automotive Technology.

Third Year.

Taga-CIT.

Gaku-ku?

Upod ya na ya!

Curly hair?

Upod ya man na!

Ay huo!

Ed na iya miga!

Classmate ko na.

Sa physics.

Nami na iya dalargo.

Ga-Tee shirt permi.

Red Tee Shirt.

Maong pants.

Ay see!

Cute na iya bala mata.

Gapa-cute b permi.

Ay abaw!

Gin-kuhit ya ko na!

Aaaah!! Inday.

Sya gd nay a!

Hipos ka lang ha.

I-diskober lang name ya.

Kung mabal an ya,

INDI KO NA SYA CRUSH!

Note:

(——>Flirty lang’ te? Sorry gd kung na uyang imo tion sa pagbasa sini ha.. Bal-an ko ikaw pareho man sa sining mga bayi,CRUSH ang isa sa mga rason kung ngaa ga agwanta sila kabalikbalik diri sa skwelahan. Pasensya gd, nabatian ko lang ni samtang ga tambay ko isa ka balay.)

Linamada #3

Pagbinagbinag

By: Nicee P. Leving

Shei P. Poblacion

NEPAFC 3Day Fellowship

May 24-26, 2012

CRCI Beach Front, Alacaygan, Banate, Iloilo

 

 

Kami nagbinagbinag samtang kami galakat

Kagaina, pakadto sa tinda kami nag kindat

Sa isa ka sitwasyon nga di namon makawhat,

Sa idea palang, daw kmi na mabughat.

 

Abril dos mil dose sang kmi nagdesisyon,

Camping sa Mahanaim, amon itigayon..

All set na, blocking fee, all paid na..

Apang ano natabo? Ginkansel, text sang isa ka tinuga.

 

Tungod kuno sang pagbackout sang tatlo ka simbahan,

Indi namon pag imitlang, apang di amo, amon mapunggan.

We know, God’s plan na to nga indi madayon.

Para ang Viejo, Zarraga kag Banate,

Indi mangamote.

 

Kami gid nasub an tungod sadto nga balita..

Galalain kag kami nadulaan na sang gana..

Hambal Ni Pastor, “Anak, indi matak an, indi magluya”

Dumdumun nyo ang simbahan nga di kasarang sang dalagko nga balayran

Kay mga young people ga eskwela palang.

Inang mga balayran, indi pa nila katungdanan.

 

Sang kami nga mga opiser nagkita na,

Share dire, share didto amon istorya

Ginakadlaw nalang, nga daw wala sang problema..

Ang idea nga wala camp, amon gina deadma..

 

Sa dugay namon nga pagpanumdum Paano ining camp matigayon,

Didto namon natalupangdan, Ang CRCI sa Banate, gahulat lang.

Barato na, may ayo pa. Affordable gid, di bala?

Salamat sa Ginoo sa sining prebilihiyo

Sa paghatag sining dako nga deskwento..

 

Aga pa kagaina, sang kami nagsalasala

Kay Barotac Nuevo, alas dyes palang, adto na

Kay gali ang gm sa ila wala napasa.

Ay abaw, gin intriga, ang panyapon, ginpanyaga..

 

Ang banner wala pa napatigayon,

Pati Programme, wala pa nadihon,

Tungod ang secretarya kag assistant ya,

Gab e palang, lapyo na sing ila..

 

Pag abot sa CRCI kagaina, kami daw mga momoy,

Naga idas, naga teren teren sa hingagaw.

Kay ang isa ka jeep nga taga Patlad,

Na-excite, ga lapta sa CRCI nga daw mga palaboy.

 

Dugangan pa sang tag Anilao,

Nga kagab-e pa namulungpulong.

Pagprepare kuno sang special number, wala sila na inform

Sorry gid Pastor, tungod sa ka-busy,

Na-miss inform kamo nga mga inosente.

 

Hola taga Barotac Viejo.. Kamusta kamo?

Maayo lang wala nadayon ang inyo plano

Kuntani kmi sang Anilao magmortomorto

Kay ginbayaan nyo kmi dire sa

NEPAFC

 

Diin kmo nga mga taga Zarraga?

Dri sa NEPAFC, kami inyo gn paasa..

Namingawan man kmi sa inyo presensya

Kun tani sa dason, kmo maka attend na..

Malimtan ang hibubun-ot, para utok ta, magtawhay na..

 

Sa mga nag attend sining aton 3Day Fellowship,

Salamat liwat sa pagtambong

Biskan una na naupangan ining aton plano.

Mga officers, di magkabalaka biskan kita nangutang,

Dali nalang gid, kita na mabayran.

 

Di ma explikar ang akon nabatyagan,

Kagaina sang ako nanglista sang mga ngalan,

Abi ko gamay lang ang makadto

Kay gali damo man, basta maghikot ang Ginoo.

Salig lang gid sa iya, indi magdula sang pagtoo.

Siya gid naga himuno sang aton kinahanglanon,

Kung kita magaluhod sa iya tiilan nga naga pangamyon.

Linamada #2

By: Wirdangkeso

Midterm Examination.

Isa ka butang sa kabuhi sang isa ka estudyante

Nga kung indi pagkahadlukan,

Midterm ila nanamian.

Gab I bag o sang akon exam,

Ako wala naga sala ukon naga cram.

Ngaa? Kay ako ginatuyo na.

Mga tulun an ko nga isa ka daba,

Adto sa babaw katre, naga hapa.

Ako nagakadulaan gana

Kung akon tulun an, akon makita.

Kay luwas ako ma-stress, ako daw malipong pa.

Ay! Ambot gni kung ngaa.

Oh, Yari na.. ako nagsala sala…

Adlaw sang exam nag kari na.

Ambot nalang kung ano akon i-sabat.

Para ang test paper ko, numero wala sang pal-at.

Samtang ako gasabat sang mga pamangkot..

Akon buot galain, akon unto gapagot..

Ngaa? Ngaa ako nagpatawhay?

Nagtuon tani ‘ko kagab e para wala sang pagmahay.

Basta mag amo sini ang sitwasyon,

Akon ubra, pamasol basol.

Ano abi kay sari kapapansin akon ulunan kag habol.

Lipatan kuno ang tulun an, nga sa kadamuon naga dribble.

Akon gin-binagbinag kun kay sin o sala?

Ngaa akon tulun an akon wala na sapak.

Tungod ayhan sa kadamuon nga ako nadulaan sang gana?

Indi ayhan tungod sa akon di mapunggan nga katamaron.

Para sa imo, ngaa wala ako nakatuon?

Nonsense no? Syempre kay ako di matutum,

Sa akon pag-eskwela, ako ga higya higya.

Kay man. ang kabuhi, masubo kung indi kita mag pakasadya.

Apang lain nga kasadya ang mabatyagan,

Kung kada gwa mo sa room, ikaw may tsansa.

Inang biskan mag tulog ka nalang kay ikaw pasar na.

Indi pareho sa akon, nga wala katuon, kundi ginakulbaan pa.

Balik kita sa tion kung diin tapos nako palagpat

Ngalingin ang ulo, mata nag libat

Tungod sa pag tika tika sa akon ingod nga sabat.

Ano abi kay wala nagtuon kundi daw sapat.

Akon papel,akon gin-rebyu

Sa kinse ka-Identification, pulo lang ang limpyu.

Kinse ka sure nga sabat sa Enumeration nga beynte singko.

Dugangan pa sang beynte ka Problem Solving nga sa ulo gapakuto.

Ako nagtindog, kay ako nakontento…

Sa akon kinse ka sabat nga indi husto.

Hambal ko, tani indi na maliwat ining akon pinalagpat

Para akon isipon, ang mga sure na dapat nga sabat.

Akon papel, akon na gin-piod,

Pakadto kay Ma’am, daw ako na maluhod.

Nga tani papel ko, indi nya anay pagbukadon.

Agud indi makita akon sabat nga daw tsura ni Kedebon.

Pagdaho ko kay Ma’am sang akon papel,

Nakita ko gid ang kalipay sa iya tsura nga indi maeksplayn.

Hamakin mo may nakatapos na sa sulod sang treynta minotos

“Ti, class, hapos no? Kita nyo, si Leving dali natapos.”

Tsk tsk tsk

Ay abaw Ma’am, kung imo na na chekan,

Akon papel sa subong nga exam,

Basi ikaw ma stroke kay wala ina kasiguraduhan

Nga makapasar sa exam ang abi mo Valedictorian.

Ako nag dukoy dukoy pagwa sa pertahan

Dala ang kahuya sa kaugalingon kag kay Ma’am.

Ngaa wala ko gin-ubra ang akon bahin…

Kasimple nga pagtuon kag leksyon intsindihon.

Ma’am, I can’t promise, but I’ll try…

Nga imo ekspektasyon sa akon di mapatay.

Sa pagkakita mo palang sa akon pagtindog

Ako indi na magkurog,

Kay bal an ko, ikaw nalipay gid,

Sa score ko ikaw magabaskog.

Ini ang linamada sang isa ka bayi

Nga naga antos sa isa ka butang sa iya pag study

Apang ang ini nga pag antos, kung iya malampuwasan,

Sigurado sya na ang VALEDICTORIAN sa Exam!

Sariling ubra..

Sariling dayaw..

Sariling kadlaw…

 

 

 

Linamada #1

Emosyonal Nga Pagtilaw

Ang akon kabuhi sang nag ligad nga Hulyo

Naka eksperyensya sang isa ka kasubo..

Inang bal an mo nga ikaw naka sakit,

Sang isig pareho mo… kundi nangakig.

Nagdako ako sa isa ka panimalay,

Nga luwas gasapakay, kami ga intsindihanay

“Anak, mag pa ubos”, hambal ni Tatay,

Para kuno kita mag pinalanggaanay.

Apang may yara mga sitwasyon

Nga akon batasan gina kwestyon.

Tungod guro kay ako weirdo

Sa ila mata, daw buang ako.

Akon gina punggan akon eksotiko nga batasan mag gwa

Kay bal an ko ikaw, Huo IKAW masuya.

Kag maka hambal, nga ako daw demonya,

Kag basi ang iban matingala.

Ako nag dako nga akon gn binagbinag

Kun ako mag bato ukon ako matublag.

Sa binata bata nga temtasyon sa palibot

Nga sa akon dalan naga abot.

Indi ko gusto nga ikaw akon kaugtan

Kay bal an ko, ako imo man nadumtan

Kag bal an ko, ang pag-ugot SALA

Labi naguid kung sa imo, INOSENTE nga TINUGA.

Apang ngaa? Akon kaugalingon akon di mapunggan?

Kaugot. Kaakig sa akon tagipusoon nagadalagan

Akon sadto, gusto ko na limtan

Mga posting sa dingding nga permi ko makit an.

Ako nag react kay ako guilty.

Pero bal an ko, indi to para sa akon party.

Apang akon gn binagbinag ang mga hitabo,

Ano abi kun ako makasala, kag amhun man ako sadto.

Masakit mabasahan ang mga angay sadto.

Mga posting sa dingding nga sa imo mata gakadto

Halin sa mata, iprocess sang utok, hasta sa tagipusoon.

Asta ya bilog mo nga lawas ga kurog, pero dapat mo pag unon.

Ang mga sitwasyon nga angay sini..

Dapat binagbinagon kung ano imo himoon.

Mabato bala, kag ikaw magbinata bata

Kay bal an mo nga ang pagpa ubos, ila gina deadma.

Kun ikaw mamangkot, kun sin o perdi

Akon sabat, WALA, kay indi man ni contest eh!

Pero kun abi nila contest ini..

Ti, sila daug, sila man perdi..

Daug kay abi nila daug sila,

kag perdi kay abi nila mabato gid kmi..

Ngaa ako nag sulat sang angay sini.

Para ayhan sila akon pakahuy an? INDI.

Para lang akon kalian sang buot akon mapa utwas,

Para mag tawhay utok ko kag tagiposoon BWAS!

Pasensya na sa imo nga naka basa.

Hipos nalang, Imo nalang intsindiha..

Akon buot akon na tagaan tsansa

Nga sa subong nga oras maga tawhay na..